ਤਾਜਾ ਖਬਰਾਂ
ਲੁਧਿਆਣਾ ਪੁਲਿਸ ਨੇ ਇੱਕ ਅਜਿਹੇ ਪਾਦਰੀ ਨੂੰ ਹਿਰਾਸਤ ਵਿੱਚ ਲਿਆ ਹੈ, ਜਿਸ 'ਤੇ ਇੱਕ 21 ਸਾਲਾ ਕੁੜੀ ਨੂੰ ਅਗਵਾ ਕਰਨ, ਬੰਧਕ ਬਣਾਉਣ ਅਤੇ ਉਸ ਨਾਲ ਕੁੱਟਮਾਰ ਕਰਨ ਦੇ ਗੰਭੀਰ ਇਲਜ਼ਾਮ ਲੱਗੇ ਹਨ। ਪਰਿਵਾਰ ਦਾ ਦਾਅਵਾ ਹੈ ਕਿ ਦੋ ਵਾਰ ਵਿਆਹਿਆ ਪਾਦਰੀ ਇਸ ਮੁਟਿਆਰ 'ਤੇ ਵਿਆਹ ਕਰਵਾਉਣ ਲਈ ਦਬਾਅ ਪਾ ਰਿਹਾ ਸੀ ਅਤੇ ਉਸ ਨੇ ਧਰਮ ਪ੍ਰਚਾਰ ਦੇ ਬਹਾਨੇ ਕੁੜੀ ਨੂੰ ਆਪਣੇ ਚੁੰਗਲ ਵਿੱਚ ਫਸਾਇਆ।
ਪ੍ਰਚਾਰ ਦੇ ਬਹਾਨੇ ਅਗਵਾ ਤੇ ਤਸ਼ੱਦਦ
ਪੀੜਤ ਕੁੜੀ ਦੀ ਮਾਸੀ ਅਨੁਸਾਰ, ਇਹ ਸਿਲਸਿਲਾ 7 ਜਨਵਰੀ ਨੂੰ ਸ਼ੁਰੂ ਹੋਇਆ ਜਦੋਂ ਪਾਦਰੀ ਧਰਮ ਪ੍ਰਚਾਰ ਲਈ ਕੁੜੀ ਨੂੰ ਆਪਣੇ ਨਾਲ ਲੈ ਗਿਆ। ਜਦੋਂ ਉਹ ਸ਼ਾਮ ਤੱਕ ਵਾਪਸ ਨਾ ਆਈ ਤਾਂ ਪਰਿਵਾਰ ਨੇ ਉਸ ਦੀ ਭਾਲ ਸ਼ੁਰੂ ਕੀਤੀ। ਇਲਜ਼ਾਮ ਹੈ ਕਿ ਪਾਦਰੀ ਨੇ ਪਹਿਲਾਂ ਉਸ ਨੂੰ ਖੰਨਾ ਸਥਿਤ ਆਪਣੇ ਘਰ ਵਿੱਚ ਕੈਦ ਰੱਖਿਆ ਅਤੇ ਫਿਰ ਲੁਧਿਆਣਾ ਦੇ ਕਿਸੇ ਅਣਪਛਾਤੇ ਸਥਾਨ 'ਤੇ ਲੈ ਗਿਆ। ਪੀੜਤਾ ਨੇ ਦੱਸਿਆ ਕਿ ਪਾਦਰੀ ਨੇ ਉਸ ਦਾ ਮੋਬਾਈਲ ਖੋਹ ਲਿਆ, ਉਸ ਦਾ ਗਲਾ ਘੁੱਟਣ ਦੀ ਕੋਸ਼ਿਸ਼ ਕੀਤੀ ਅਤੇ ਕਿਸੇ ਨੂੰ ਦੱਸਣ 'ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ।
ਨਿਹੰਗ ਸਿੰਘਾਂ ਨੇ ਦਿੱਤਾ ਪਰਿਵਾਰ ਦਾ ਸਾਥ
ਘਟਨਾ ਵਿੱਚ ਨਵਾਂ ਮੋੜ 28 ਜਨਵਰੀ ਨੂੰ ਆਇਆ ਜਦੋਂ ਇੱਕ ਜਾਣਕਾਰ ਔਰਤ ਨੇ ਕੁੜੀ ਨੂੰ ਪਾਦਰੀ ਦੇ ਘਰ ਵੇਖਿਆ ਅਤੇ ਕੁੜੀ ਨੇ ਇਸ਼ਾਰਿਆਂ ਰਾਹੀਂ ਆਪਣੀ ਕੈਦ ਬਾਰੇ ਦੱਸਿਆ। ਅਗਲੇ ਦਿਨ ਜਦੋਂ ਪਰਿਵਾਰ ਪਾਦਰੀ ਦੇ ਘਰ ਪਹੁੰਚਿਆ ਤਾਂ ਪਾਦਰੀ ਅਤੇ ਉਸ ਦੀ ਪਤਨੀ ਬਹਿਸ ਕਰਨ ਲੱਗੇ ਅਤੇ ਹਮਲੇ ਦੀ ਕੋਸ਼ਿਸ਼ ਕੀਤੀ। ਅਖੀਰ ਪਰਿਵਾਰ ਨੇ ਨਿਹੰਗ ਸਿੰਘਾਂ ਦੀ ਮਦਦ ਮੰਗੀ। ਨਿਹੰਗ ਸਿੰਘਾਂ ਦੇ ਦਖ਼ਲ ਤੋਂ ਬਾਅਦ ਪਾਦਰੀ ਨੇ ਕੁੜੀ ਨੂੰ ਪਰਿਵਾਰ ਦੇ ਹਵਾਲੇ ਕੀਤਾ।
ਤਿੰਨ ਸਾਲਾਂ ਤੋਂ ਰਚੀ ਜਾ ਰਹੀ ਸੀ ਸਾਜ਼ਿਸ਼
ਪਰਿਵਾਰ ਨੇ ਦੱਸਿਆ ਕਿ ਪਾਦਰੀ ਦੀ ਨਜ਼ਰ ਪਿਛਲੇ ਤਿੰਨ ਸਾਲਾਂ ਤੋਂ ਕੁੜੀ 'ਤੇ ਸੀ। ਕੁੜੀ ਦਾ ਪਿਤਾ ਖ਼ੁਦ ਈਸਾਈ ਧਰਮ ਦਾ ਪ੍ਰਚਾਰ ਕਰਦਾ ਹੈ, ਜਿਸ ਕਾਰਨ ਪਾਦਰੀ ਨੇ ਪਰਿਵਾਰ ਨਾਲ ਨਜ਼ਦੀਕੀਆਂ ਵਧਾ ਲਈਆਂ ਸਨ।
ਮਿਸ਼ਨਰੀ ਦੇ ਨਾਂ 'ਤੇ ਧੋਖਾ: ਪਾਦਰੀ ਨੇ 12ਵੀਂ ਪਾਸ ਮੁਟਿਆਰ ਨੂੰ ਮਿਸ਼ਨਰੀ ਬਣਾ ਕੇ ਆਪਣੇ ਨਾਲ ਪਿੰਡਾਂ ਵਿੱਚ ਪ੍ਰਚਾਰ ਲਈ ਲੈ ਕੇ ਜਾਣਾ ਸ਼ੁਰੂ ਕੀਤਾ।
ਜ਼ਬਰਦਸਤੀ ਵਿਆਹ ਦੀ ਕੋਸ਼ਿਸ਼: ਇਲਜ਼ਾਮ ਹੈ ਕਿ ਪਾਦਰੀ ਨੇ ਆਪਣੀ ਪਤਨੀ ਨੂੰ ਵੀ ਡਰਾ-ਧਮਕਾ ਕੇ ਕੁੜੀ ਨਾਲ ਤੀਜੇ ਵਿਆਹ ਲਈ ਸਹਿਮਤ ਕਰ ਲਿਆ ਸੀ।
ਪੁਲਿਸ ਦੀ ਕਾਰਵਾਈ
ਪੁਲਿਸ ਨੇ ਪਾਦਰੀ ਨੂੰ ਗ੍ਰਿਫ਼ਤਾਰ ਕਰਕੇ ਮਾਮਲੇ ਦੀ ਜਾਂਚ ਤੇਜ਼ ਕਰ ਦਿੱਤੀ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੀੜਤਾ ਦੇ ਬਿਆਨ ਦਰਜ ਕੀਤੇ ਜਾ ਰਹੇ ਹਨ ਅਤੇ ਜਲਦ ਹੀ ਅਦਾਲਤੀ ਕਾਰਵਾਈ ਅੱਗੇ ਵਧਾਈ ਜਾਵੇਗੀ।
Get all latest content delivered to your email a few times a month.
